ऊर्जा खबर
काठमाडौँ । ताप्लेजुङ जिल्लाको मेवा खोलामा निर्माणधीन ५० मेगावाट क्षमता रहेको युनाइटेड मेवा खोला हाइड्रोपावरको करिब ७५ प्रतिशत काम सम्पन्न भएको छ । आयाेजना मेरिन गाउँपालिका वडा–३, ४ र ५ मा निर्माणाधीन छ ।
आयोजनाको सिभिलको काम सम्पन्न भएको र मेरिङदेन गाउँपालिका–५ को थुकिमा पुछारबाट सुरु भएको सुरूङमार्ग ४ हजार ८०० मिटरमध्ये ५२२ मिटर बाँकी रहेको आयोजनाले जानकारी दिएको छ । आयोजनाको पावरहाउससम्म
आउने पाइप पनि बिच्छयाउँने कार्य हुँदै छ । करिब ९ अर्ब लागतको आयोजना निर्धारित समयमै सम्पन्न गर्ने गरी धमाधम काम भईरहेको समेत आयोजनाले जानकारी दिएको छ ।
आयोजनाको सुरूवात २०७८ भदौबाट भएको हो र कम्पनीले उक्त आयोजना २०८१ असोजभित्र सम्पन्न गर्ने लक्ष्य राखेको छ । आयोजनाबाट हिउँदमा ९७.४२४ मेगावाट घन्टा र बर्खामा २०५.५८७ गिगावाट गरी वार्षिक ३०३.०११ मेगावाट घन्टा विद्युत् उत्पादन हुने समेत आयोजनाले जनाएको छ ।
