विद्युत आपूर्ति : प्राधिकरण : १०४२७ मे.वा.घन्टा / निजी क्षेत्र : ११६६० मे.वा.घन्टा / आयात : ६०६७ मे.वा.घन्टा / ट्रिपिङ : मे.वा.घन्टा / ऊर्जा माग : २८१५४ मे.वा.घन्टा/ उच्च माग : १३१९ मेगावाट मे.वा.घन्टा/ निर्यात : मेगावाट
×

खोकना फिडर अवरुद्ध हुँदा दर्जन बढी स्थानको विद्युत सेवा प्रभावित

२०७८ ब‌ैशाख २६

काठमाडौं । नेपाल विद्युत प्राधिकरण पुलचोक वितरण केन्द्रले खोकना फिडरको विद्युत लाइन काटेको छ । यस फिडरको चुनिखेल क्षेत्रमा सडक विस्तार भएकाले विद्युतीय पोल स्थानान्तरण गर्न विद्युत लाइन काटिएको हो ।

विद्युतीय पोल स्थानान्तरण गर्न बिहान ११ बजेदेखि विद्युत लाइन काटिँदा सेवा अवरुद्ध हुन पुगेको वितरण केन्द्रले जनाएको छ । वितरण केन्द्रका अनुसार अवरुद्ध विद्युत सेवा दिउँसो ४ बजेबाट सुचारु हुनेछ । 

पोल स्थानान्तरण गर्न चुन्नीखेला हाइटमा जम्पर जुटाइएकाले मगर गाउँ, सानो खोकना, कार्य बिनायक, बुङमति, नेवा ईटा, चुनिखेल, कतार दुतावास, खोइचा, फर्सिखेल, जोर्खु, टोकलमाथ, खहरे, डुकुछाप, दनुवार बस्तीलगायत स्थानको विद्युत सेवा प्रभावित भएको छ ।

प्राधिकरणले प्रसारण तथा वितरण लाइन, सबस्टेसन जस्ता संरचनाको मर्मत एवं स्तरोन्नति गर्न र विद्युतीय पोल स्थानान्तरण गर्न सूचना दिएर लाइन काट्ने गरेको छ ।

प्रतिक्रिया

सम्पादकः लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Degit