ऊर्जा खबर
काठमाडौं । साढे २ हजार मेगावाटका जलविद्युत आयोजनाको अध्ययन पूरा भएको छ । देशको विभिन्न जिल्लामा पहिचान भएको ३८ जलविद्युत आयोजनाको अध्ययन सकिएको हो ।
विद्युत विकास विभागका अनुसार अध्ययन पूरा भएका आयोजनाले उत्पादन अनुमतिका लागि आवेदन दिएका छन् । सरकारी तथा निजी ऊर्जा उत्पादकले २ हजार ५ सय ७६ मेगावाटका आयोजनाको अध्ययन पूरा गरी उत्पादन अनुमतिका लागि आवेदन दिएका हुन् ।
आवेदन दिनेमध्ये सबैभन्दा ठुलो ८ सय २८ मेगावाटको उत्तरगंगा बरुण खोला जलविद्युत आयोजना रहेको छ । यो आयोजना नेपाल विद्युत प्राधिकरणले बागलुङमा अध्ययन पुरा गरेर उत्पादन अनुमतिका लागि विभागमा आवेदन दिएको छ । प्राधिकरणले २०७६ असार १७ गते आवेदन दिएको थियो । आवेदन दिएको साढे २ वर्ष वितिसक्दा पनि विभागबाट निर्माण अनुमति पाएको छैन् ।
यस्तै, प्राधिकरणले १८० मेगावाटको आधीखोला निर्माण गर्न २०७७ असार १७ गते अनुमतिका लागि आवेदन दिएको छ । टाइम्स इनर्जीले ३४१ मेगावाटको बुढीगण्डकी निर्माण अनुमतिका लागि २०७७ बैंशाख २६ गते, सगरमाथा हाइड्रो पावरले १७१ मेगावाटको दुधकोसी–६ निर्माण अनुमतिका लागि २०७७ फागुन १४ गते र नौलो नेपाल हाइड्रो इलेक्ट्रिक कम्पनीले १३० मेगावाटको बुढीगण्डकी ‘क’ निर्माण अनुमतिका लागि २०७० असार १६ गते आवेदन दिएको विभागको तथ्याङकमा छ ।
यस्तै, ६५ मेगावाटको मध्य त्रिशुली गंगा नदी, ०.४८५ मेगावाटको इलुन खोला, ५८ मेगावाटको टिप्ल्याङ कालीगण्डकी, ५७ मेगावाटको हिमचुली दोर्दी, ६५ मेगावाटको दुधखोला, २० मेगावाटको कुनवान खोला, ५ मेगावाटको सेप्ली खोला, ४.१ मेगावाटको सुपर सभा खोलाले निर्माण अनुमतिका लागि विभागमा आवेदन पेश गरेका छन् । १० मेगावाटको माथिल्लो साँघु, २१ मेगावाटको जल्दीगाड, ८.३ मेगावाटको माथिल्लो देउमाई, ३.३ मेगावाटको स्यार्पू खोला, ३७.७ मेगावाटको इसुवा खोला, २२.९ मेगावाटको मध्य होेङ्गु खोलाको उत्पादन अनुमतिका लागि विभागमा आवेदन परेको छ ।
७७.५ मेगावाटको गुन्सा खोला, २० मेगावाटको माथिल्लो सेती, २ मेगाावटको अरुण खोला–२, २८.१ मेगावाटको माथिल्लो काबेली, ९.५५ मेगावाटको सुपर सभा ‘ए’, १५ मेगावाटको इर्खुवा खोला, ४१.८६ मेगावाटको सुपर तल्लो बागमती, ९ मेगावाटको सोना खोला, ३७.७ मेगावाटको तमोर खोला–५ जलविद्युत आयोजना निर्माण अनुमतिका लागि आवेदन परेको विभागले जनाएको छ ।
२०.८ मेगावाटको दोर्दी दुधखोला, १.५ मेगावाटको झिमरुक आगलुङ, १७ मेगावाटको माथिल्लो मैलुङ ‘बी’, ९.९६ मेगावाटको तावा खोला, २० मेगावाटको आँखु खोला–२, २१ मेगावाटको आयु मोलुन र ८ मेगावाटको तल्लो कालगगाड जलविद्युत आयोजनाले उत्पादन अनुमतिका लागि आवेदन दिएका छन् ।
आवेदन दिएका आयोजनामध्ये केही आयोजनालाई उत्पादन अनुमति दिने अन्तिम तयारी भइरहेको विभागले जनाएको छ । विभागका अनुसार जलविद्युत आयोजनासँगै ६० मेगावाटका ९ सौर्य आयोजनाले पनि उत्पादन अनुमतिका लागि आवेदन दिएका छन् ।
