ऊर्जा खबर
काठमाडौँ । ग्रीन हाइड्रोजनको प्रवर्द्धनका लागि काठमाडौँ विश्व विद्यालय (केयू) र भि-रक एण्ड कम्पनी प्रालिबीच सहकार्य गर्न समझदारी भएको छ । ग्रीन हाइड्रोजनको व्यावसायिक उत्पादन तथा प्रयोगका लागि आवश्यक काम गर्न दुई संस्थाबिच समझदारी भएको केयूका सहप्राध्यापक एवं ग्रीन हाइड्रोजन ल्याब प्रमुख विराजसिंह थापाले जानकारी दिए।
‘ग्रीन हाइड्रोजनको विकास गर्न सरकारले ग्रीन हाइड्रोजन नीति २०८० ल्याएको छ,’ उनले
भने, ‘तर यसको उत्पादन र प्रयोगलाई आर्थिक तथा प्राविधिक हिसाबले सम्भाव्य बनाउन आवश्यक व्यवस्थापनको रणनीति बनाउन समझदारी भएको हो ।’ ग्रीन हाइड्रोजन उत्पादनमा केयूले प्राप्त गरेको ज्ञान, सिप र अनुभवका आधारमा व्यापारिक उत्पादन गर्न चाहने कम्पनीलाई सघाउने छ ।
यसअघि केयूले आफ्नै ल्याबमा ग्रिन हाइड्रोजन उत्पादन गर्ने र त्यसको प्रयोगबाट गाडी चलाउने र खाना पकाउने कार्यको सफल परीक्षण गरिसकेको छ ।
