ऊर्जा खबर
काठमाडौं । बर्दघाट नगरपालिकाले सडक बत्तीकाे करिब ५६ लाख रूपैयाँ महसुल बुझाएकाे छ । नगरपालिकाले लामो समयदेखि वेवारिसे रहेका सडक बत्तीहरूकाे महसुल नेपाल विद्युत प्राधिकरण बर्दघाट वितरण केन्द्रलाइ बुझाएकाे हाे ।
नगरपालीकाबाट सडक बत्तीकाे ५५ लाख ८९ हजार ८ सय २६ रुपैयाँ बक्यौता असुल गरेको केन्द्रले जनाएकाे छ । केन्द्रका अनुसार सम्बन्धित वडा कार्यालयलाई सडक बत्ती व्यवस्थापन गर्ने जिम्मेवारी समेत प्रदान गरिएको छ ।
अागामी दिनमा वडा कार्यालयले आफ्नो वडा भित्रको सडक बत्तीको महसुल नियमित रुपमा भुक्तानी हुने प्रवन्ध मिलाउने केन्द्रले जानकारी दिएको छ । रकम भुक्तान नभई पेनाल्टी तिर्नुपर्ने भएमा जिम्मेवार पदाधिकारीको सेवा सुविधाबाट कट्टा गरिनेछ ।
एक महिना भित्रमा वडा कार्यालयले आफ्ना वडा भित्रका सडक बत्तिहरू सम्बन्धित सडक बत्ती उपभोक्ता समिति गठन गरी हस्तान्तण गरिसक्नु पर्नेछ । सडक बत्ति उपभोक्ता गठन गर्न नसकिने स्थानहरूको रेकर्ड राखी वडाले आफै महसुल तिर्ने प्रवन्ध मिलाउनु पर्नेछ ।
उपभोक्ता समितिको नाममा सडक बत्ती हस्तान्तरण भएपश्चात सम्बन्धित उपभोक्ता समितिलाई निश्चित रकम उज्यालो नगरपालिका कार्यक्रम अर्न्तगत सहुलियत उपलब्ध गराउने पनि केन्द्रले जानकारी दिएको छ ।
