ऊर्जा खबर
काठमाडौँ । माउन्टेन इनर्जी नेपाल लिमिटेडले गत आर्थिक वर्ष (आव २०८२/८३)को मुनाफाबाट आफ्ना सेयरधनीलाई २१.०५३ प्रतिशत लाभांश वितरण गर्ने घोषणा गरेको छ । कम्पनीले हाल कायम चुक्ता पूँजीको २० प्रतिशत बोनस सेयर र सोको कर प्रयोजनार्थ १.०५३ प्रतिशत नगद लाभांश वितरण गर्ने घोषणा गरेको हो ।
असोज २६ गते बसेको कम्पनीको सञ्चालक समितिको बैठकले उक्त लाभांश प्रस्ताव पारित गर्न कात्तिक २० गते १३ औँ वार्षिक साधारण सभा गर्ने निर्णय पनि गरेको छ । कम्पनीको साधारणसभाबाट प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, ५ जना सञ्चालकहरूको निर्वाचन गर्ने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ ।
कम्पनीले साधारण सभा तथा लाभांश वितरण प्रयोजनार्थ कम्पनीले कात्तिक १० गते एक दिनका लागि बुकक्लोज गर्ने भएको छ । यस अनुसार कात्तिक ९ गतेसम्म नेप्सेमा कारोबार भई कायम सेयरधनीले कम्पनीको साधारण सभामा सहभागिता जनाउन तथा कम्पनीले वितरण गर्ने लाभांश प्राप्त गर्न सक्नेछन् ।
