शुभम पावरले विदेशमा काम गर्ने नेपालीका लागि पुस ६ गतेदेखि सेयर जारी गर्दै

काठमाडौं । शुभम पावर लिमिटेडले श्रम स्वीकृत लिई विदेशमा काम गर्न बसेका नेपाली श्रमिकलाई पुस ६ गते देखि साधारण सेयर जारी गर्ने भएको छ । कम्पनीले विदेशमा काम गर्ने नागरिकका लागि ५८ हजार ५८ कित्ता सेयर निष्कासन गर्न लागेकाे हाे ।

सय रूपैयाँमा अंकित ५ करोड ८० लाख ५८ हजार रुपैयाँ बराबरकाे ५ लाख ८० हजार ५ सय ८० कित्ता साधारण सेयरमध्ये १० प्रतिशत हुन आउने ५८ हजार ५८ कित्ता सेयर विदेशमा काम गर्ने नेपालीका लागि निष्कासन गर्न लागेको कम्पनीले जनाएको छ ।

कम्पनीको जारी पुँजीको २० करोड मध्ये २० प्रतिशत अर्थात ४ करोड रकम बराबरको सय रुपैयाँ अंकति ४ लाख कित्ता सर्वसाधारणका लागि र प्रभावित स्थानीयमा अवितरित ५ करोड ८० लाख ५८ रकम बराबरको सय रुपैयाँ अंकित ५ लाख ८० हजार ५ सय ८०  कित्ता सेयर कुल गरि जम्मा ५ करोड ८० लाख ५८ हजार कित्ता सेयरमध्येको १० प्रतिशत सेयर निष्कासन गरिएको हो ।

आवेदन दिदा १० कित्तादेखि ५ हजार कित्तासम्म आवेदन दिन सक्नेछन् । आवेदकले छिटोमा पुस २० गतेसम्म आवेदन दिन पाउनेछ । कम्पनीको सेयर निष्कासन गरी बाँडफाँड गर्न मुक्तिनाथ क्यापिटल लिमिटेडलाई बिक्री प्रबन्धक तोकिएको छ ।