ऊर्जा खबर
काठमाडौँ । स्नो रिभर्स लिमिटेडले आर्थिक वर्ष २०८२/८३ को मुनाफाबाट आफ्ना सेयरधनीलाई लाभांश वितरण गर्ने भएको छ । कम्पनीको सञ्चालक समितिको २०८३ भदौ ४ गते बसेको बैठकले हाल कायम चुक्ता पुँजीको १० प्रतिशत बोनस सेयर र ०.५२६३ प्रतिशत नगद लाभांश (कर प्रयोजनार्थ) वितरण गर्ने निर्णय गरेको हो ।
उक्त लाभांश वितरणका लागि विद्युत् नियमन आयोगले कम्पनीलाई पूर्वस्वीकृति प्रदान गरिसकेको छ । स्वीकृतिअनुसार कम्पनीले कायम चुक्ता पुँजीको १० प्रतिशतका दरले बोनस सेयर जारी गर्न पाउनेछ । बोनस सेयर वितरणपछि कम्पनीको चुक्ता पुँजीमा समेत वृद्धि हुनेछ ।
कम्पनीले असोज २१ गते डाकेको पाँचौँ वार्षिक साधारणसभाबाट पारित भई तथा प्रचलित कानुनी प्रक्रिया पूरा गरेपछि प्रस्तावित लाभांश वितरण गर्ने जनाएको छ ।
