ऊर्जा खबर
काठमाडौं । देशको विभिन्न ठाउँमा जलविद्युत आयोजना निर्माण गरी सञ्चालनमा ल्याएका ५ जलविद्युत कम्पनीले करिब २१ करोड रुपैयाँ खुद नाफा कमाएका छन् । कम्पनीले सार्वजनिक गरेको आर्थिक वर्ष २०७९/८० को पहिलो त्रैमासकाे वित्तीय विवरण अनुसार तीन महिनाकाे अवधिमा सो मुनाफा आर्जन गरेका हुन् ।
अरुण काबेली पावर लिमिटेड, युनाइटेड मोदी हाइड्रो पावर लिमिटेड, अप्पर सोलु हाइड्रो इलेक्ट्रीक कम्पनी लिमिटेड, मैलुङ खोला जलविद्युत कम्पनी लिमिटेड र अप्पर हेवा खोला हाइड्रो पावर कम्पनी लिमिटेडले साउनदेखि असोजसम्मको अवधि २१ करोड २४ लाख ९५ हजार ६ सय ९२ रुपैयाँ नाफा आर्जन गरेका हुन् ।
पाँचथर र ताप्लेजुङको सिमाना भएर बग्ने काबेली खोलामा २५ मेगावाटको काबेली बी–१ निर्माण गरी सञ्चालनमा ल्याएको अरुण काबेलीले ९ करोड ७४ लाख २२ हजार ९ सय ९७ रुपैयाँ नाफा कमाएको छ । गत वर्षको तुलनमा कम्पनीको नाफा घटेको विवरणमा उल्लेख छ। गत वर्ष १३ करोड ५३ लाख ८० हजार ३ सय ७४ रुपैयाँ नाफा कमाएको थियो ।
कम्पनीले यो अवधिमा केन्द्रको विद्युत बिक्री गरी २७ करोड ५१ लाख ८९ हजार २ सय ४३ रुपैयाँ आम्दानी गरेको छ । कम्पनीको नाफा घटेपनि विद्युत बिक्रीबाट हुने आम्दानी भने बढेको देखिएको छ । गत वर्ष विद्युत बिक्रीबाट २६ करोड ६९ लाख ८ सय ८२ रुपैयाँ आम्दानी गरेको थियो । यो आयोजनाले २०७६ कात्तिक २३ गतेदेखि निरन्तर विद्युत उत्पादन गरिरहेको छ ।
यस्तै, सोलुखुम्बुको सोलु खोला र सिसा खोलामा २३.५ मेगावाटको सोलु खोला निर्माण सम्पन्न गरी २०७६ चैत १० गतेदेखि उत्पादन सुरु गरेको अप्पर सोलु हाइड्रो इलेक्ट्रीकले ४ करोड ७३ लाख ८७ हजार १६ रुपैयाँ खुद नाफा कमाएको छ । कम्पनीले नाफा गत वर्षको तुलनामा बढेको हो । गत वर्ष १ करोड ७८ लाख ३२ हजार ४ सय ५७ रुपैयाँ नाफा कमाएको विवरण उल्लेख गरिएको छ ।
कम्पनीले विद्युत बिक्री गरी २३ करोड ५६ लाख २५ हजार ६ सय ३० रुपैयाँ आम्दानी गरेको छ । कम्पनीको नाफा बढेसंगै विद्युत बिक्रीबाट हुने आम्दानी पनि बढेको छ । गत वर्ष विद्युत बिक्रबाट ३ करोड ४३ लाख ९१ हजार ३ सय ३२ रुपैयाँ आम्दानी गरेको थियो ।
अप्पर हेवा खोला पनि ३ करोड ६८ लाख २० हजार २ सय १२ रुपैयाँ खुद नाफा कमाएको छ । २०७८ चैतदेखि व्यापारिक उत्पादन सुरु गरेको कम्पनीले ८.५ मेगावाटको माथिल्लो हेवा खोला जलविद्युत केन्द्रको विद्युत बिक्री गरी ७ करोड ७६ लाख ३३ हजार ८ सय १७ रुपैयाँ आम्दानी गरेको छ ।
यस्तै, रसुवामा ५ मेगावाटको मैलुङ खोला निर्माण गरी सञ्चालनमा ल्याएको मैलुङ खोला जलविद्युत कम्पनी १ करोड ३५ लाख ११ हजार १ सय ६७ रुपैयाँ नाफा कमाएको छ । गत वर्ष ७२ लाख ७४ हजार ९ सय ३ रुपैयाँ नाफा कमाएको थियो ।
कम्पनीले यो अवधिमा विद्युत बिक्री गरी ३ करोड ९४ लाख २५ हजार ५ रुपैयाँ आम्दानी गरेको विवरणमा उल्लेख छ । गत वर्ष यही समयअवधिमा ३ करोड ६५ लाख ३७ हजार १ सय ८ रुपैयाँ आम्दानी गरेको थियो । कम्पनीकाे यो आयोजनाले २०७१ असार १९ गतेदेखि निरन्तर विद्युत उत्पादन गरिरहेको छ ।
यस्तै, युनाइटेड मोदी हाइड्रोले १ करोड ७३ लाख ५५ हजार रुपैयाँ खुद नाफा कमाएको छ । गत वर्ष घाटामा रहेको कम्पनीले सो नाफा कमाएको हो । गत वर्ष १ करोड ४४ लाख ५४ हजार रुपैयाँ घाटामा थियो । यो अवधिमा विद्युत बिक्री गरी ८ करोड ९८ लाख ७४ हजार रुपैयाँ आम्दानी गरेको छ । गत वर्ष ३ करोड ९७ लाख ४२ हजार रूपैयाँ आम्दानी गरेको थियो ।
.jpg)
.jpg)
