बाराही हाइड्रो पावरको सेयर बाँडफाँड, ५१५२२ ले पाए १० कित्ता

काठमाडौं । बाराही हाइड्रो पावर पब्लिक लिमिडेको सेयर बाँडफाँड भएको छ । कम्पनीको बिक्री प्रबन्धकमा रहेको एनआइबिएल एस क्यापिटल लिमिटेडले पुस ३ गतेदेखि (आइतबार) सर्वसाधारणका लागि निष्कासन गरेको सेयर बाँडफाँड भएकाे हो । 

कम्पनीको सेयर ५१ हजार ५ सय २२ जनाले गोलाप्रथाबाट १०/१० कित्ता सेयर एको बिक्री प्रबन्धक क्यापिटलले जनाएको छ । क्यापिटलका अनुसार ११ लाख ९२ हजार ४ सय ९४ जनाको आवेदन परेको थियो ।

कम्पनीको सेयरको लागि १२ लाख ५८ हजार ४ सय २१ जनाले १ करोड ४३ लाख ५१ हजार ८ सय ३० कित्ताका लागि आवेदन दिएका थिए । आवेदन दिएका मध्ये ६५ हजार ९ सय २७ जनाको आवेदन रद्द भएको क्यापिटलले जनाइएको छ । 

कम्पनीले सर्वसाधारणका लागि मंसिर २१ गतेदेखि मंसिर २६ गतेसम्मका लागि सेयर निष्कासन गरेको थियो । कम्पनीले स्थानीयमा निष्कासन गरेको सेयरमध्येमा १ लाख ४ हजार कित्तामा आवेदन प्राप्त नभएपछि उक्त सेयर सहित सर्वसाधरणका लागि छुट्याएको ४ लाख ५० हजार कित्ता सहित कुल ५ लाख ५४ हजार कित्ता सेयर निष्कासन गरेको थियो । 

निष्कासित सेयरमध्ये ५ प्रतिशतले हुन आउने २७ हजार ७ सय कित्ता सेयर सामुहिक लगानी कोषका लागि बाँडफाँड गरिएको र २ प्रतिशतले हुन आउने अर्थात ११ हजार ८० कित्ता सेयर कम्पनीका कर्मचारीका लागि छुट्याइएको थियो ।

कम्पनीको बाग्लुङमा १.५ मेगावाटको ठेउले खोला जलविद्युत आयोजना सञ्चालनमा छ । यो आयोजनाले २०७५ असार २४ गतेदेखि निरन्तर विद्युत उतपादन गरिरहेको छ ।