‘दिगो हाइड्रो पावर विकास’ सम्मेलन हुँदै

काठमाडौं । औद्योगिक क्षेत्रको विकासमा जलविद्युत् क्षेत्रको योगदान बढाउन, नेट जिरो बनाउने लक्ष्यसहित नेपालमा ‘दिगो हाइड्रो पावर विकास’ सम्मेलन हुने भएको छ । ‘दिगो शक्तिका लागि जलविद्युत्’ भन्ने नाराका साथ सम्मेलन हुन लागेको हो ।

सम्मेलन मंसिर ७ गते (बिहीबार) ललितपुरको हिमालय होटलमा हुने लागेको हो । औद्योगिक क्षेत्र विकासमा जलविद्युत् क्षेत्रको योगदान, नेट जीरोको लक्ष्यका साथै अन्य देश सँगको सहकार्य समेत मजबुत बनाउने लक्ष्यसहित सम्मेलन आयोजना गर्न लागिएको हो ।

सम्मेलनमा नेपाललगायत अन्य देशका जलविद्युत् विज्ञ, प्रवद्र्धक, लगानीकर्तालगायत सरोकारवालको सहभागिता रहने छ । इन्टरनेशनल हाइड्रो पावर एशोसियशन (आइएचए), स्वतन्त्र ऊर्जा उत्पादकहरूको संस्था, नेपाल (इपान), नेपाल हाइड्रो पावर एशोसियशन (एनएचए) तथा युएसआईडीको संयुक्त सहकार्यमा सम्मेलनको आयोजना हुन लागेको हो ।