प्राधिकरणद्वारा नुवाकोटमा दुई चार्जिङ स्टेसनको निर्माण सम्पन्न

काठमाडौं । नुवाकोटको बट्टारमा दुई वटा विद्युतीय सवारी चार्जिङ स्टेसन निर्माण सम्पन्न भएको छ । नेपाल विद्युत प्राधिकरणले जिल्लाको विदुर नगरपालिका–४ बट्टार बसपार्क र हावाघरमा निर्माण गरेकाे चार्जिङ स्टेसनकाे काम सकिएकाे हाे ।

देशभित्र उत्पादित स्वच्छ हरित ऊर्जाको खपत बढाउनका लागि प्रयाेग भइरहेकाे विद्युतीय सवारीको प्रवर्द्धन गर्न निर्माण भएकाे सवारी चार्जिङ स्टेसनकाे सकिएकाे  निर्माण गरिएको नगरपालिका प्रमुख राजन श्रेष्ठले बताए ‘नगरपालिकाले उपलब्ध गराएको जग्गा चार्जिङ स्टेसन निर्माण भएको छ,’ उनले भने, अहिले चार्जिङ स्टेसनमा जाइन जोड्ने काम भइरहेको छ, एक साताभित्र सञ्चालन गर्ने लक्ष्य छ ।’

बट्टार बसपार्कमा निर्माण गरिएको चार्जिङ स्टेसन जिबीटी हो भने हावाघरमा निर्माण गरिएको चार्जिङ स्टेसन सीएसएस हो । पछिल्लो सयम प्राधिकरणले निर्माण गरिरहेको चार्जिङ स्टेसन सञ्चालनको काम तिव्र गतिमा भइरहेको छ । एक साताअघि मात्र प्राधिकरणले धनगढी उपमहानगरपालिकामा निर्माण सम्पन्न चार्जिङ स्टेसन सञ्चालनमा ल्याएको थियो । प्राधिकरणले ५१ चार्जिङ स्टेसन निर्माण गरिरहेको छ जसमा ३८ वटा सञ्चालनमा ल्याइसकेको छ । बाँकी १३ वटाको काम भइरहेको छ ।