images
images
images
  • प्राधिकरण : ९५५६ मे.वा.घन्टा
  • सहायक कम्पनी : ६००३ मे.वा.घन्टा
  • निजी क्षेत्र : १०५३४ मे.वा.घन्टा
  • आयात : मे.वा.घन्टा
  • निर्यात : १३६१ मे.वा.घन्टा
  • ट्रिपिङ : मे.वा.घन्टा
  • ऊर्जा माग : २६०९२ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १४१० मे.वा.
×

माथिल्लो छ्याङ्दीबाट उत्पादन सुरु,४ मेगावाट विद्युत प्रणालीमा जोडियो

२०७८ मङ्सिर ७

काठमाडौं । ४ मेगावाटको माथिल्लो छ्याङ्दी जलविद्युत आयोजनाको विद्युत राष्ट्रिय प्रसारण प्रणालीमा जोडिएको छ । लमजुङमा निर्माण सम्पन्न आयोजनाको विद्युत सोमबारबाट राष्ट्रिय प्रसारण प्रणालीमा जोडिएको हो ।

आयोजनाबाट परीक्षण उत्पादन सुरु भएको प्रवद्र्धक छ्याङ्दी हाइड्रो पावर कम्पनीले जनाएको छ । आयोजनाले उत्पादन गरेको विद्युत उदिपुर सबस्टेसनमा जोडिएको छ ।

कम्पनीका अनुसार आयोजनाले २ सातासम्म परीक्षण उत्पादन गरी नेपाल विद्युत प्राधिकरणलाई निशुल्क विद्युत दिनेछ । परीक्षणको चरण पूरा भएपछि आयोजनाबाट व्यापारिक उत्पादन सुरु गरिने भएको छ ।

आयोजनाबाट २०७७ चैतदेखि नै उत्पादन सुरु गर्ने भनिए पनि कोरोना (कोभिड–१९) महमारीका कारण निर्माण प्रभावित हुँदा ७ महिना ढिलो गरी विद्युत प्रसारण प्रणालीमा जोडिएको हो । विद्युत प्राधिकरणसँग भएको विद्युत खरिद सम्झौता (पिपिए) अनुसार आयोजनाबाट २०७८ भदौदेखि विद्युत उत्पादन गर्नुपर्नेमा लक्ष्यभन्दा ५ महिना अघि उत्पादन सुरु गर्ने दाबी कम्पनीले गरेको थियो ।

कोरोना महामारी र बर्खाका कारण प्राधिकरणले दिएको तालिकाभन्दा २ महिना ढिलो गरी आयोजनाले उत्पादन सुरु गरेको छ । यो आयोजना सम्पन्न हुँदा ७६ करोड रुपैयाँ खर्च भएको अनुमान छ । आयोजनामा ५६ करोड रुपैयाँ ऋण र २० करोड रुपैयाँ स्वपुँजी लगानी छ । आयोजनामा बैंक अफ काठमाडौंको अगुवाईमा कुमारी बैंकले पनि ऋण लगानी गरेको छ ।

कम्पनीले स्वपुँजी लगानीका ८ लाख ९० हजार कित्ता (३० प्रतिशत) हकप्रद सेयर निष्कासन गर्ने प्रक्रिया अघि बढाएको छ । कम्पनीले यसअघि निर्माण गरेको २ मेगावाटको छ्याङ्दी खोला साना जलविद्युत आयोजना निर्माण सम्पन्न भई सञ्चालनमा छ ।  

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit