ऊर्जा खबर
काठमाडौं । नेपाल विद्युत प्राधिकरणले धनगढीको विद्युत सेवा एक साताका लागि बन्द गरेको छ । प्राधिकरण धनगढी वितरण केन्द्रले प्रसारण तथा वितरण लाइनको बुस कटिङ र एमसीबी जडान गर्नका लागि सेवा बन्द गरेको हो ।
आज बिहान ७ बजेदेखि सेवा बन्द गरेर उपमहानगरपालिकाको विभिन्न स्थानमा लाइनको बुस कटिङको काम सुरु गरेको केन्द्रले जनाएको छ । केन्द्रका अनुसार विद्युत सेवा आगामी आइतबार (१४ गते) सम्म बन्द हुनेछ ।
सेवा दैनिक (१० घण्टा बन्द हुने) साँझ ५ बजेबाट सुचारु हुनेछ । तोकिएको समयअगावै काम सम्पन्न भए निर्धारित समय अगावै सेवा सुरु गरिने पनि केन्द्रले जनाएको छ ।
यस्तै, प्राधिकरणले तौलिहवा वितरण केन्द्र अन्तर्गतका जीतपुर सबस्टेसनको सम्पूर्ण ११ केभी फिडरको जम्पर मर्मत गर्न र बुस कटिङ गर्न सोमबार र मंगलबार (८/९ गते) सेवा बन्द गर्ने भएको छ । जीतपुर सबस्टेसनको सेवा दैनिक १० घण्टा बन्द हुने केन्द्रले जनाएको छ । सेवा बन्द हुँदा यी सबस्टेसनबाट वितरण हुने सम्पूर्ण क्षेत्र प्रभावित हुनेछ ।
