नबिल बैंकको दिगो बैंकिङ कार्यक्रम सम्पन्न

काठमाडौं । नबिल दिगो बैंकिङले बाग्लुङ जिल्लाको नगरपालिकामा वित्तीय साक्षरता तथा उद्यमशीलता विकास सम्बन्धमा अन्तक्रिया कार्यक्रम सम्पन्न गरेको छ । 

कार्यक्रममा बैंककी आशा राणा अधिकारीले नेपाल कृषिप्रधान देश भनिए पनि यसमा आत्मनिर्भर हुनुपर्नेमा जोड दिइन् । साथै, बैंक कृषि तथा महिला उद्यमशीलतालाई मध्यनजर गर्दै अघि बढ्न चाहेको बताइन् । त्यस्तै, नबिल दिगो बैंकिङका प्रबन्धक लिलाप्रसाद ओझाले कार्यक्रममा नबिल बैंकको दिगो बैंकिङ तथा वित्तीय साक्षरताको बारेमा प्रकाश पारेका छन् । 

कार्यक्रममा गण्डकी प्रदेश अन्तर्गत प्रदेश सरकार, भूमी व्यवस्था, कृषि, सहकारी तथा गरिबी निवारण मन्त्रालय, कृषि बिकास निर्देशनालय, कृषि ज्ञान केन्द्र, बाग्लुङ र नबिल बैंक बिच पारस्परिक साझेदारीमा वित्तीय साक्षरता, वित्तीय पहुँच र उद्यमशीलता विकास गर्न सहकार्य गरी कृषिजन्य वाली÷वस्तु उत्पादन तथा प्रवद्र्धधन, कृषिबजार विकास सहित व्यवसायिक कृषि उत्पादनको वृद्धि गरी रोजगारी सिर्जना गर्न सहयोग गर्ने सम्झौता भएको छ ।
उक्त सम्झौता पत्रमा बैंकको तर्फबाट गण्डकी प्रदेशका प्रमुख सूर्यबहादुर रोका र कृषि ज्ञान केन्द्र, बाग्लुङ तर्फबाट कार्यालय प्रमुख भानुभक्त भट्टराईले हस्ताक्षर गरेका छन् । 

सरकारले अवलम्बन गरेको संयूक्त राष्ट्रसंघको दिगो विकासको लक्ष्यलाई सघाउन बैंकले २०७८ असार १५ गते धान दिवशको दिन दिगो बैंकिङ कार्यक्रमको सुरुवात गरेको थियो । यो कार्यक्रम तथा कृषि ज्ञान केन्द्रको सम्झौता मार्फत बैंकले नबिल दिगो बैंकिङका प्रयासलाई अझ बढी लक्षित वर्गमा पु¥याउन सहयोग गर्ने लक्ष्य राखेको छ ।