ऊर्जा खबर
काठमाडौँ । सिंगटी हाइड्रो इनर्जी लिमिटेडले अन्तर्राष्ट्रिय गुणस्तर चिन्ह र प्रमाणपत्र प्राप्त गरेको छ । अन्तर्राष्ट्रिय मापदण्डहरू पूरा गरेका गरी व्यवस्थापनमा अब्बद प्रमाणित भएपछि आइएसओ ९००१–२०१५ प्रमाणपत्र प्राप्त गरेको कम्पनीले जनाएको छ ।
बेलायतमा रहेको स्टानचुली म्यानेजमेन्ट एण्ड सर्भिसेजको बोर्डले सिंगटी हाइड्रो इनर्जी लिमिटेडको आर्थिक, प्रशासनिक, कार्यसम्पादन, परियाजनाको विकास तथा डिजाइन, निर्माण लगायत पक्षको मूल्याङ्कन गरेर प्रमाणपत्र प्रदान गरेको कम्पनीका प्रबन्ध सञ्चालक सुदीप खड्काले जानकारी दिए ।
काठमाडौँको गहनापोखरीमा केन्द्रीय कार्यालयको रहेको कम्पनीले दोलखाको सिंगटी खोलामा २५ मेगावाटको सिंगटी खोला जलविद्युत् केन्द्र सञ्चालन गरी ४ वर्षदेखि व्यवसायिक विद्युत् उत्पादन गरिरहेको छ ।
धितोपत्र कारोबारमा समेत संलग्न भइरहेको कम्पनी पुँजीबजारमा समेत सक्रिय रहेको छ ।
