ऊर्जा खबर
म्याग्दी । म्याग्दीकाे मालिका गाउँपालिका–५ देवीस्थानका पन्थोक र जुग्जामा राष्ट्रिय प्रसारण लाइनको विद्युत् सुविधा सेवा पुगेको छ । नेपाल विद्युत् प्राधिकरणको ‘उज्यालो म्याग्दी’ कार्यक्रममार्फत पन्थोक र जुग्जामा राष्ट्रिय प्रसारण लाइनको विद्युत् विस्तार भएको हो ।
यसका लागि १०० केभिए क्षमताको ट्रान्सफर्मर जडान गरिएको छ । १३२ घर रहेको पन्थोकमा गौडाखोला लघुजलविद्युत् परियोजना तथा ७२ घर भएको जुग्जामा पेल्ट्रिक सेटबाट विद्युत् उत्पादन गरी उपभोक्तामा आपूर्ति भएको छ ।
गाउँमा राष्ट्रिय प्रसारणको बिजुली पुगेपछि स्थानीलाई दैनिकीमा सहज भएको छ ।
