बरुण हाइड्रोको ३ लाख कित्ता सेयर सोमबारबाट बिक्री आउँदै

काठमाडौं । बरुण हाइड्रो पावर कम्पनी लिमिटेडले साढे ३ लाख कित्ता हकप्रद  सेयर सोमबार (कात्तिक १४ गते) देखि लिलामीमार्फत बिक्री गर्ने भएको छ । कम्पनीले सर्वसाधारणका लागि बिक्री खुल्ला गरेका सेयरमध्ये अवितरित ३ लाख ५५ हजार ६० कित्ता सेयर बिक्रीमा राख्ने भएको हो ।

लिलामीमा राखिने सेयरको न्यूनतम मूल्य प्रतिकित्ता सय रुपैयाँ तोकिएको छ । आवेदकले बोलपत्र पेस गर्दा न्यूनतम सय रुपैयाँ वा सो भन्दा बढी बोलकबोल गर्नुपर्नेछ । लगानीकर्ताले न्यूनतम १ सय कित्तादेखि अधिकतम सम्पूर्ण कित्ताका लागि आवेदन दिन पाउनेछन् ।

आवेदकले कात्तिक २१ गतेसम्म बोलपत्र पेश गरिसक्नुपर्नेछ । कम्पनीको सेयर निष्कासन गरी बाँडफाँड गर्न आरविवि मर्चेन्ट बैंकिङ लिमिटेडलाई बिक्र प्रबन्धक तोकिएको छ ।