ऊर्जा खबर
काठमाडौं । नेपाल आयल निगमले सिमरा विमानस्थलमा हवाई इन्धन रिफ्युलिङ स्टेशन सञ्चालनमा ल्याएको छ ।
उद्योग वाणिज्य तथा आपूर्ति मन्त्री रमेश रिजालले आइतबार एक समाराेहका बीच सिमरा विमानस्थलमा निर्माण भएको उक्त रिफ्युलिङ् सेन्टरको सेवा शुभारम्भ गरे । चालू आर्थिक वर्षका लागि निगम सञ्चालक समितिले स्वीकृत गरेको नीति तथा कार्यक्रम अनुसार उक्त रिफ्युलिङ स्टेशन सञ्चालनमा ल्याइएको निगमले जनाएको छ ।
बाराको जितपुर सिमरा उपमहानगरपालिकाका मेयर राजन पौडेल, निगमका कार्यकारी निर्देशक उमेशप्रसाद थानी, बाराका प्रमुख जिल्ला अधिकारी नवराज सापकोटा, नागरिक उड्डयन प्राधिकराका उपमहानिर्देशक प्रेमनाथ ठाकुरलगायत सरोकारवाला निकायका प्रतिनिधिको उपस्थितिमा उक्त रिफ्युलिङ स्टेशनकाे सेवा शुभारम्भ गरिएको हो ।
