शुभम पावरको सेयर आवेदन दिने आज अन्तिम दिन

काठमाडौं । सर्वसाधारणले शुभम पावर लिमिटेडको सेयर आवेदन दिने आज अन्तिम दिन हो । कम्पनीले गत १९ गते (बुधबार) देखि खुल्ला गरेको सेयर आवेदन अवधि आज (आइतबार) साँझ ५ बजेबाट सकिने लागेको हो ।

कम्पनीले जारी पूँजी २० करोड रुपैयाँ मध्येको २० प्रतिशत अर्थात ४ करोड बराबरको सय रुपैयाँ अंंकित ४ लाख कित्ता र प्रभावित स्थानीयमा अवितरित १ लाख ८० हजार ५ सय ८० कित्ता सेयरमा कुल गरी जम्मा ५ लाख ८० हजार ५ सय ८० कित्ता साधारण सेयरमध्ये १० प्रतिशत हुन आउने अर्थात ५८ हजार ५८ कित्ता सेयर वैदेशिक रोजगारीमा गएका नेपाली नागरिका लागि निष्कासन तथा बाँडफाँड गरेको छ ।

निष्कासित सेयरमध्येको ५ प्रतिशत हुन आउने अर्थात २९ हजार ३० कित्ता सेयर सामुहिक लगानी कोषका लागि बाँडफाँड गरिएको र २ प्रतिशत हुन आउने अर्थात ११ हजार ६ सय १० कित्ता सेयर कम्पनीका कर्मचारीका लागि छुट्याई बाँकी रहेको ४ लाख ८१ हजार ८ सय ८२ कित्ता सेयर सर्वसाधारणका लागि निष्कासन गरेको हो ।

सर्वसाधारणले न्यूनतम १० कित्तादेखि अधित्तम ५ हजार कित्तासम्म आवेदन दिन पाउनेछन् । कम्पनीको सेयर निष्कासन गरी बाँडफाँड गर्न मुक्तिनाथ क्यापिटल लिमिटेडलाई बिक्री प्रबन्धक तोकिएको छ । कम्पनीको तल्लो पिलुवा खोला साना जलविद्युत आयोजना निर्माण भइसक्दा आयोजनाको प्रतिमेगावाट लागत १४ करोड ५४ लाख ४५ हजार ३ सय ४२ रुपैयाँ रहेको छ ।