ऊर्जा खबर
काठमाडौं । अविरल वर्षासँगै शुक्रबार गएको पहिरोबाट दाङकाे लहमी नगरपालिका–६, बेल्दामारमा रहेको लमही–घोराही १३२ केभी प्रसारण लाइन आयोजनाको १८ नम्बरको टावर ढलेको छ ।
प्रसारण लाइनको टावर नै ढलेपछि आपतकालीन पुर्नस्थापना प्रणाली (इआरएस) अन्तर्गत रहेको टावर जडान गरी विद्युत आपूर्ति दिने तयारी गरिरहेको नेपाल विद्युत प्राधिकरणले जनाएको छ । इआरएस टावर जडानका लागि सर्भेक्षण गर्न टोली खटाइएको छ । टावर जडान गर्न केही दिन लाग्ने पनि प्राधिकरणले जनाएको छ ।
प्रसारण लाइनमा ढलेपछि त्यस क्षेत्रको विद्युत आपूर्ति अवरोध भएको थियो । प्राधिकरणले अहिले वैकल्पिक व्यवस्था गरी घरायसी ग्राहकलाई विद्युत दिइएको छ । प्राधिकरणले हापुरे सबस्टेसनबाट ३३ केभी प्रसारण लाइनबाट लमही, घोराहीलगायतका क्षेत्रका घरायसी ग्राहकलाई विद्युत आपूर्ति दिएको छ । त्यस क्षेत्रमा धेरै विद्युत खपत गर्ने सिमेन्ट उद्योगहरू सञ्चालित छन् ।
