विद्युत् संरचनाको मर्मत र सञ्चालनमा सहयोग गर्न सबैसँग प्राधिकरणको आह्वान 

काठमाडौँ । नेपाल विद्युत् प्राधिकरणले देशको वर्तमान परिस्थितिका कारण क्षति पुगेका देशभरका विद्युत् संरचनाको मर्मत कार्यमा सघाउन सबै पक्षसँग सहयोगका लागि आह्वान गरेको छ । वर्तमान कठिन परिस्थितिका कारण क्षतिग्रष्त संरचनाको मर्मत गरी विद्युत् सेवा सुचारु गर्न कठिनाइ भइरहेको भन्दै प्राधिकरणले सहयोग तथा सहजीकरणका लागि सम्बद्ध सबै पक्षसँग बुधबार सूचनामार्फत आह्वान गरेको हो ।

खासगरी संरचनाको मर्मत कार्यमा खटिने अत्यावश्यक सेवाका सवारी साधनको आवागमन तथा कार्यालय सञ्चालनमा सहजीकरण गर्न प्राधिकरणले आग्रह गरेको छ ।

प्राधिकरणले विद्युत् आपूर्ति अनियमित भए चौबीसै घण्टा सञ्चालनमा रहने प्राधिकरणको हटलाइन टेलिफोन नम्बर ११५० मा सम्पर्क गरी जानकारी गराउन पनि आह्वान गरेको छ ।