‘बजेटलगत्तै नयाँ विद्युत विशेयक संसदमा पेश गरिनेछ’

काठमाडौं । ऊर्जा, जलस्रोत तथा सिँचाइ मन्त्री शक्तिबहादुर बस्नेतले आर्थिक वर्ष २०८०/८१ सालको बजेट सार्वजनिक भएलगत्तै नयाँ विद्युत विधेयक संसदमा पेश गरिने बताएका छन् । दशकौंदेखि बहस र छलफलमा सीमित विद्युत ऐनले विद्युत विकासको समग्र पक्षमा असर पारेको सन्दर्भमा ऊर्जा खबरसँग कुरा गर्दै उनले यस्तो बताएका हुन् ।

विधेयक अहिले राय सुझावका लागि अर्थ मन्त्रालयमा पेश गरिएको तर मन्त्रालय बजेट तयारीमा व्यस्त रहेको हुँदा बजेट सार्वजनिक भए लगत्तै ताकेता गरेर संसद लैजाने काममा आफूले विशेष भूमिका खेल्ने मन्त्री बस्नेतले बताए । संसदमा पेश गराएर सक्दो छिटो छलफल गरी आउँदो अधिवेशनबाट विधेयक पारित गर्ने योजनाका साथ आफूले काम गरिरहेको उनको भनाइ छ ।

संविधानतः हरेक वर्षको जेठ १५ गते नयाँ आर्थिक वर्षको बजेट सार्वजनिक गर्ने प्रावधान रहेको छ । अहिले सरकार बजेट तयारीको अन्तिम चरणमा रहेको र आउँदो साता अर्थ मन्त्री डा. प्रकाशशरण महतले संसदमा बजेट प्रस्तुत गर्नेछन् ।

ऊर्जा, जलस्रोत तथा सिँचाइ मन्त्री शक्तिबहादुर बस्नेतसँगकाे पूर्ण अन्तर्वार्ता