ऊर्जा खबर
काठमाडौं । बैशाखयता देशका विभिन्न जिल्लामा पहिचान भएका ११५.८९ मेगावाटका ७ जलविद्युत आयोजनाले विद्युत उत्पादन गर्न अध्ययन अनुमति पाएका छन् ।
विद्युत विकास विभागका अनुसार २०७९ बैशाखदेखि हालसम्मको अवधिमा उक्त क्षमताको आयोजनाले अध्ययन अनुमति पाएका छन् ।
७.४५० मेगावाटदेखि ४२.३०० मगावाट सम्मका आयोजनाले अध्ययन अनुमति पाएको विभागले जनाएको छ । विभागका अनुसार सबैभन्दा ठुलो ४२.३०० मेगावाटको लिखु खोला जलविद्युत आयोजनाको रहेको छ ।
यो आयोजनाकाे अध्ययन गर्न उज्यालो इनर्जी सोलुसनलले २०७९ बैशाख २५ गते अनुमति पाएको थियो । यस्तै, स्नोफल हाइड्रो पावरले २९ मेगावाटकाे तेजाे थेगाम खाेला अध्ययन गर्न २०७९ बैशाख १२ गते अध्ययन अनुमति पाएको विभागकाे वेपसाइटमा उल्लेख छ ।
यस्तै, ९.७०० मेगावाटका ब्राम्हायनी–ए इन्टीग्रेटेड हाइड्रो फण्डले सिन्धुपाल्चोकमा अध्ययन गर्न अनुमति पाएको छ । ९.०६० मेगावाटका रुद्रवती बढीगाड हनुमन्ते पावर एण्ड इनर्जीले, ९.३८० मेगावाटका पारा मलुन ग्राडियण्ड इनर्जी प्रालिले, ७.४५० मेगावाटका काबेली क्यास्केड काबेली हाइड्रो पावरले र ९ मेगावाटका सुपर दोना सुन्दर बस्नेतले अध्ययन गर्न अनुमति पाएको विभागले जनाएको छ ।
.jpg)
