ऊर्जा खबर
काठमाडौँ । दरम खोला हाइड्रो इनर्जी लिमिटेडले बिहीबार (साउन १५ गते) बाट सर्वसाधारणका लागि प्राथमिक सेयर (आइपिओ) निष्काशन तथा बिक्री खुला गरेको छ । कम्पनीले २४ करोड २३ लाख १८ हजार ५०० रुपैयाँ बराबर प्रतिकित्ता १०० रुपैयाँ अंकित दरका २४ लाख २३ हजार १ सय ८५ कित्ता सेयर निष्काशन गरेको हो ।
कम्पनीको आइपिओमा न्यूनतम १० कित्ता र अधिकतम ५० हजार कित्ता खरिदका लागि आवेदन दिन सकिने छ । सेयरको निष्काशन छिटोमा साउन १९ गते र ढिलोमा साउन २९ गते बन्द हुने छ ।
कम्पनीले बाग्लुङको गलकोट नगरपालिका–११ मा ९.६ मेगावाटको दरम खोला जलविद्युत् आयोजना निर्माण गरी परीक्षणसमेत सुरु गरिसकेको छ । आयोजनाले अबको १ महिनाभित्र व्यावसायिक विद्युत् उत्पादन सुरु गरिसक्ने जनाएको छ ।
यसअघि आयोजना प्रभावित स्थानीय र वैदेशिक रोजगारीमा रहेका नेपालीका लागि कम्पनीले आइपिओ जारी गरेको थियो । कम्पनीको सेयर निष्काशन तथा बिक्री प्रबन्धक लक्ष्मी सनराइज क्यापिटल लिमिटेड रहेको छ ।
.jpg)