ऊर्जा खबर
काठमाडौं । नाडा अटो मोबाइल्स एसोसियन अफ नेपालले आज ( भदाै २६ गते) देखि ३१ गतेसम्मका लागि ‘नाडा अटो शो २०२३’ सुरु गरेको छ । मंगलबारबाट सुरु गरेको उक्त शाे अर्थमन्त्री डा.प्रकाशशरण महतले उद्घाटन गरेका हुन् ।
अटाे शाेमा सानाठुला गरी विभिन्न सवारी साधन उत्पादक कम्पनी, आयातकर्ता तथा अन्य क्षेत्रका गरी १२० भन्दा बढी स्टल र ब्लकहरू राखिएको छ । शोमा विद्युतीय कार, विद्युतीय स्कुटर, मोटरसाइकल, विद्युतीय साइकल तथा पेट्रोलियम कार लगायत अन्य विभिन्न खालका विद्युतीय कारहरू प्रर्दशनीमा राखिएको छ ।
शोमा प्रख्यात अन्तर्राष्ट्रिय ब्रान्डका सवारीसाधन, लुब्रिकेन्ट, टायर, पार्टपुर्जाका
साथै राष्ट्रिय ब्रान्डका अटो सामग्री उत्पादक एवं वस्तु तथा सेवा प्रदायकको सहभागिता रहेकाे छ । ३१ गतेसम्म चल्ने शोमा २ लाख भन्दा बढीले अवलोकन गर्ने अपेक्षा लिइएको छ ।
