ऊर्जा खबर
काठमाडाैं । नेपाल आयल निगमले पेट्रोल र डिजेलको मूल्य घटाएको छ । निगमले आइतबार राती १२ बजेदेखि लागू हुनेगरी पेट्रोलको प्रतिलिटर ११ र डिजेलको ५ रुपैयाँ घटाएकाे हाे ।
भारतबाट मूल्य घटेर आएसँगै नेपालमा पनि घटाएको निगमले जनाएकाे छ । नयाँ मूल्य अनुसार अब पेट्रोल पहिलो वर्गमा १६९, दोस्रोमा १७१ र तेस्रोमा १७२ रुपैयाँ प्रतिलिटर कायम हुने छ । यस्तै, डिजेल पहिलो वर्गमा १६५, दोस्रोमा १६७ र तस्रोमा १६८ रुपैयाँ कायम हुने छ ।
निगमले यसअघि असोज १४ गतेदेखि लागू हुनेगरी पेट्रोलमा प्रतिलिटर २ रुपैयाँ मूल्य बढाएको थियो । यस्तै, डिजेल र मट्टीतेलमा प्रतिलिटर ६ रुपैयाँ बढाएको थियो । उक्त समयमा खाना पकाउने ग्यासको मूल्यमा भारी वृद्धि गरेको थियो । एकैपटक प्रतिसिलिन्डर २१५ रुपैयाँले मूल्य बढाएपछि चर्को आलोचना भएको थियो । मन्त्रिपरिषद्ले मूल्य समायोजन फिर्ता गर्न निगमलाई निर्दैशन दिएसँगै मूल्य फिर्ता भएको थियो ।
