एक वर्षमा ४९१ मेगावाट विद्युत राष्ट्रिय प्रणालीमा थपियाे

काठमाडौं । एक वर्षको समयावधि (साउनदेखि असार) मा निजी ऊर्जा उत्पादकहरूले ४९१ मेगावाट बढी विद्युत केन्द्रिय प्रणालीमा थप गरेका छन् । गत आर्थिक वर्ष (आव) मा उक्त परिमाणको विद्युत थपिएको हो ।

पछिल्लो दशकमा जलविद्युत तथा सोलार आयाेजना सम्पन्न भई उत्पादित विद्युत राष्ट्रिय प्रसारण प्रणालीमा जोडिने क्रम बढिरहेको छ । पछिल्लो तथ्यांक अनुसार यो अवधिमा ४९१.२८५ मेगावाटका २७ आयोजनाको विद्युत प्रसारण प्रणालीमा जोडिएका छन् ।

नेपाल विद्युत प्राधिकरणका अनुसार ४६२.४८५ मेगावाटका २१ जलविद्युत र २८.८ मेगावाटका ६ सौर्य आयोजनाबाट उत्पादन सुरु भएको छ । निजी क्षेत्रले निर्माण गरेको सबैभन्दा ठूलो ८६ मेगावाटको सोलु दूधकोसीदेखि १ मेगावाट क्षमतासम्मका सौर्य र जलविद्युत आयोजनाको बिजुली प्रणालीमा थपिएका छन् ।

यी आयोजनाको विद्युत प्रणालीमा थपिएसँगै असारसम्ममा नेपालको कुल जडित क्षमता २६८७.२९३ मेगावाट पुगेको छ । यसमा प्राधिकरणको ६६१.३४, प्राधिकरणको सहायक कम्पनीहरूको ४७८.२६ र निजी क्षेत्रको १५४७.८५३ मेगावाट छ ।

यसैगरी,  चालु आव २०८०/८१ मा ७५४ मेगावाट विद्युत प्रणालीमा थपिने सरकारी अनुमान छ । निर्माणाधीन, निर्माणको अन्तिम चरणमा रहेका आयोजनाको विद्युत प्रणालीमा थपिने भएको हो ।  निर्माण अन्तिम चरणमा पुगेको ५७.३, मध्यभोटेकोसीको १२०, रसुवागाढीको १११, माथिल्लो चमेलियाकाे ४० मेगावाटलगायतका आयोजनाको विद्युत प्रणालीमा जोडिनेछन् ।

गत आवमा थपिएका आयाेजनाहरू

                                                                                           स्राेत: नेपाल विद्युत प्राधिकरण