युनाइटेड इदी मर्दीले गत आवमा ५ करोड मुनाफा आर्जन गर्याे

काठमाडौं । कास्की जिल्लाको मर्दी खोलामा ७ मेगावाटको माथिल्लो मर्दी जलविद्युत आयोजना निर्माण गरी सञ्चालनमा ल्याएको युनाइटेड इदीमर्दी एण्ड आरबी हाइड्रो पावर कम्पनी लिमिटेडले ५ करोड रुपैयाँ मुनाफा आर्जन गरेको छ । कम्पनीले सार्वजनिक गरेको गत आर्थिक वर्ष २०७८/७९ को वित्तीय विवरण अनुसार सो मुनाफा आर्जन गरेकोे देखिएकाे हो ।

वित्तीय विवरण अनुसार अघिल्लो आव २०७७/७८ को तुलनामा गत आव २०७८/७९ मा नाफा बढेको देखिएको छ । गत आवमा कम्पनीले ५ करोड १६ लाख ४ हजार ६ सय ६० रुपैयाँ खुँद नाफा कमाएको थियो भने अघिल्लो आवको यही समयअवधिमा ४ करोड ६० लाख ८२ हजार ६ रुपैयाँ खुद नाफा कमाएको थियो ।

कम्पनीको नाफा बढेसँगै विद्युत बिक्रीबाट भएको आम्दानी पनि बढेको छ । कम्पनीले गत आवमा विद्युत बेचेर १८ करोड ६६ लाख ३९ हजार ९ सय २६ रुपैयाँ आम्दानी गरेको छ, जुन अघिल्लो आवमा १३ करोड ४५ लाख ८ हजार ७ रुपैयाँ आम्दानी गरेको थियो ।

यस्तै, कम्पनीले अन्य स्रोतबाट अघिल्लो आवमा ३६ करोड ११ लाख ५० हजार रुपैयाँ आम्दानी गरेको थियो । गत आवको आम्दानी भने कम्पनीले विवरणमा उल्लेख गरेकाे छैन ।