ऊर्जा खबर
काठमाडौं । लमजुङ जिल्लाको भुलभुलेमा प्रस्तावित ५० मेगावाटको माथिल्लो मर्स्याङ्दी–ए जलविद्युत् आयोजनामा खटाउन ४ प्राविधिक माग गरेको छ । सिनो हाइड्रो–सगरमाथा पावर कम्पनी प्रालिले निर्माण गरिरहेको उक्त आयोजनामा खटाउन प्राविधिक माग गरेको हो ।
दक्ष तथा प्राविधिक कामदारको आवश्यक परेको हुँदा कर्मचारीको माग गरेको कम्पनीले जनाएको छ । कम्पनीका अनुसार १ जना मर्मत विभागको लागि, २ जना अपरेटर र १ जना प्रमुख सेफ्टी अफिसरको माग गरिएकाे हो ।
मर्मत विभागको लागि इन्जिनियरिङ विषयमा डिप्लोमा गरी सम्बन्धित काममा कम्तीमा पनि ४ वर्ष कार्यअनुभव भएको हुनुपर्नेछ । यस्तै, अपरेटरका लागि इलेक्ट्रिकल इन्जिनियरिङ विषयमा डिप्लोमा गरी सम्बन्धित क्षेत्रमा ३ वर्ष काम गरेको अनुभव हुनुपर्ने कम्पनीले जानकारी दिएको छ ।
यसैगरी, चिफ सेफ्टी अफिसरका लागि एमबिए गरी सम्बन्धित क्षेत्रमा करिब ५ वर्ष काम गरेको अनुभव हुनुपर्नेछ । इच्छुक योग्य व्यक्तिले सूचना प्रकाशित भएको ७ दिनभित्रमा आवेदन दिइसक्नुपर्नेछ । आवेदन दिदाँ बायोडाटा, नेपाली नागरिकताको प्रमाणपत्र, शैक्षिक योग्यताको प्रमाणपत्रको प्रतिलिपि, पासपोर्ट साइजको फोटोसहित बुझाउनुपर्नेछ ।
