ऊर्जा खबर
नुवाकोट । चिलिमे जलविद्युत् कम्पनी लिमिटेडले निर्माण गरी सञ्चालनरत २२ मेगावाटको चिलिमे जलविद्युत्गृहको विद्युत्गृहको सुरुङमा फसेका ६ जना कर्मचारी भदौ १० गतेदेखि सम्पर्कविहीन भएका छन् । सम्पर्कविहीन हुनेमा ड्युटीमा रहेका सरोज पाण्डे, सन्तोष पाण्डे, मिनराज मोक्तान, तिलक थापा मगर र श्याम थापा मगर तथा ड्युटीमा नरहेका लाक्पा सोनाम तामाङ रहेका छन् ।
विद्युत्गृहमा फसेका कर्मचारीलाई बाहिर निकाल्न नेपाली सेनाको टोली प्रयासरत रहे पनि हालसम्म उद्धार गर्न नसकिएको जनाइएको छ । घटनाको संवेदनशीलतालाई ध्यानमा राख्दै थप विज्ञसहितको पर्याप्त रेस्क्यु टोली तत्काल परिचालन गरी पावर हाउसमा रहेका कर्मचारीलाई सुरक्षित रूपमा बाहिर निकाल्न पहल भइरहेको छ ।
छ जना कर्मचारी लामो समयदेखि सम्पर्कविहीन रहेकाले उद्धार कार्यमा कुनै ढिलाइ नगरी आवश्यक दक्ष जनशक्ति, उपकरण तथा प्रविधिसहितको विशेष उद्धार टोली तत्काल परिचालन गर्नुपर्ने देखिएको छ ।
यस घटनामा कम्पनी, स्थानीय प्रशासन तथा सम्बन्धित निकायसँगै राज्यका सम्पूर्ण संयन्त्र गम्भीरतापूर्वक उद्धारमा केन्द्रित हुनुपर्ने आवश्यकता देखिएको छ । सम्पर्कविहीन कर्मचारीको जीवनरक्षालाई पहिलो प्राथमिकतामा राख्दै सम्भव सबै उपाय अवलम्बन गरी तत्काल उद्धार गर्न सरोकारवालालाई आग्रह गरिएको छ।
.jpg)
