ऊर्जा खबर
काठमाडाैं । सरकारले कृषियोग्य भूमिका सिँचाइका लागि उपयोग हुने विद्युतमा थप छुट दिने निर्णय गरेको छ । राष्ट्रपति रामचन्द्र पौडेलले जेठ ५ गते संसदको दुवै सदनमा पेश गरेको आर्थिक वर्ष २०८०/८१ को नीति तथा कार्यक्रममा सो कुरा उल्लेख छ ।
कार्यक्रममा भनिएको छ– सिँचाइका निम्ति विद्युत आपूर्तिको सहज व्यवस्था मिलाई विद्युत महसुल छुट दिने नीति लिइनेछ । साना किसानहरुलाई सिँचाइका लागि निशुल्क वाटरपम्प तथा ट्युबवेल वितरण गरिनेछ ।
हाल नेपाल विद्युत प्राधिकरणले कृषि–सिँचाइका लागि विद्युत् महसुल प्रतियुनिट औसत २.२५ रुपैयाँ तोकेको छ तर राती कम माग हुने समयमा प्रतियुनिट २ रुपैयाँ मात्र छ ।
यसैगरी, तराईमा तत्काल सिँचाइ नपुग्ने सुख्खा क्षेत्रमा रिजभ्र्वायर बनाई बर्सात्को पानी जम्मा गरी सुख्खायाममा सिँचाइमा प्रयोग गर्न नमुना आयोजनाको सम्भावना अध्ययन गरिने कार्यक्रममा उल्लेख छ । साथै, कार्यक्रममा सिँचाइ तथा विद्युत उत्पादनका लागि ट्रान्स भ्याली नदी प्रवाह आयोजनाहरूलाई निरन्तरता दिने घोषणा छ ।
.jpg)
