ऊर्जा खबर
काठमाडौं । आर्थिक वर्ष (आव) २०८०/८१ मा ९०० मेगावाट विद्युत राष्ट्रिय प्रसारण प्रणालीमा थपिने अनुमान गरिएको छ । नेपाल राष्ट्र बैंकले आइतबार (साउन ७ गते) सार्वजनिक गरेको मौद्रिक नीति २०८०/८१ अनुसार चालू आवभित्र उक्त क्षमताको विद्युत उत्पादन हुने अनुमान गरिएको हो ।
निर्माणाधीन, निर्माणको अन्तिम चरणमा रहेका आयोजनाको विद्युत प्रणालीमा थपिने अनुमान गरिएको छ । नेपाल विद्युत प्राधिकरणको सहायक, निजी ऊर्जा उत्पादकले निर्माण गरेको आयोजनाको विद्युत प्रणालीमा थपिने अनुमान गरिएको छ ।
अहिले १११ मेगावाटको रसुवागढी, ५७.५ मेगावाटको सान्जेन, १०२ मेगावाटको भोटेकोसीलगायतका आयोजनाको काम अन्तिम चरणमा पुगेको छ । ४० मेगावाटको माथिल्लो चमेलिया परिक्षण सुरु गरेको छ ।
सार्वजनिक मौद्रिकअनुसार असार ११ गते थप ३०० मेगावाट विद्युत भारतीय बजारमा बिक्री गर्न अनुमति पाइएकाले यो आवमा ९५२ मेगावाट विद्युत निर्यात गरिने छ । भारतसँगको व्यापार घाटा कम गरी बाह्य क्षेत्रमा सुधार ल्याउन र आन्तरिक अर्थतन्त्रलाई चलायमान बनाउन सहयोग पुग्ने उल्लेख छ ।
